RSS

Falimenton General Motors

01.06.2009

Biznes & Ekonomi

Gjigandi i veturave në Shtetet e Bashkuara General Motors Corporation pritet që sot edhe formalisht të paraqesë kërkesën për bankrotim. Ky është bankrotimi më i madh industrial në historinë amerikane.

gm-general-motors

Pas procedurave të pritura për pamundësi pagimi nga General Motors, qeveria amerikane do të marrë përsipër rreth 60 përqind të aksioneve të gjigandit më të madh botëror për prodhimin e makinave. Kështu njoftoi një zëdhënës i qeverisë në Uashington. 12 % të aksioneve tjera do të mirren nga Kanadaja dhe 17,5 përqind nga një fond i sindikatës së prodhuesve të automjeteve.

Në kuadër të kësaj procedure vetëm Shtetet e Bashkuara të Amerikës do të kontribuojnë me mbi 30 miliardë dollarë ndihma financiare. Siç u njoftua më tej gjatë këtij procesi do të mbyllen 11 reparte dhe do të ndërpritet përkohësisht puna në tre reparte të tjera të General Motors-it.

Ky proces mori një përkrahje nga shumica e pronarëve të bonove që vendosën që të realizohet marrëveshja.

Burimi: REL & DW